డాక్టర్ శ్రీనుబాబు

రేపల్లె శాసనసభ నియోజకవర్గం, గుంటూరు జిల్లాలో గల 17 శాసనసభా నియోజకవర్గాలలో ఒకటి. ఓ వైపు సముద్రం మరోవైపు మడ అడవులు ఇంకోవైపు కృష్ణా నదితో ఆహ్లాదకరంగా ఉంటుంది ఈ ప్రాంతం. ఈ సహజసిద్ధమైన అందాలను ఉపయోగించుకుంటూ మంచి టూరిజం స్పాట్ గా తీర్చిదిద్దె అవకాశం ఉంది.

ఈ నియోజకవర్గపు ఓటర్ల సంఖ్య 209371 గా నమోదయింది. అందులో ఆడవారి సంఖ్య 105296 కాగా మగవారి సంఖ్య 104044. ఈ నియోజకవర్గ పరిధిలో పత్తి మరియు మిరప ఎక్కువగా సాగు చేస్తారు. 

ప్రసిద్ధ ప్రదేశాలు:

పెనుమూడి గ్రామం వద్ద ఉన్న కృష్ణా నది ఒడ్డు.

మోర్తోట వద్ద ఉన్న శ్రీ ముక్తేశ్వరస్వామివారి ఆలయం.

నియోజకవర్గపు ప్రముఖులు:

కొటారు బాల భారతి.

ఇంకొల్లు వెంకటేశ్వరరావు, బాల సాహిత్యకారుడు, కేంద్రసాహిత్య అకాడమీ అవార్డు గ్రహీత.

ఈ నియోజకవర్గపు సమస్యలు:

• సాగునీరు అందక అల్లాడుతున్న చివరి భూముల రైతులు.
• రేపల్లె టౌన్ లో ఇరుకు రోడ్లు, సరిగా లేని డ్రైనేజితో ప్రజలు సతమతమవుతున్నారు.
• నాణ్యత లేక నియోజకవర్గంలో చాలా చోట్ల సిసి రోడ్లు వేసిన కొద్ది రోజులకే అవి రూపు మారిపోతున్నాయి అంటున్నారు ఇక్కడి ప్రజలు.
• నిజాంపట్నం మత్సకారులకు వేట కోసం జట్టీలు ఇస్తానన్న హామీ ఇంతవరకు నెరవేరలేదు.
• మండలంలో సైతం, విద్యా వైద్య సదుపాయాలు అంతంత మాత్రంగానే ఉన్నాయి.