డాక్టర్ శ్రీనుబాబు

శివ పురాణాలలో ఈ నియోజకవర్గంలోని కొన్ని ప్రాంతాల ప్రస్తావన ఉంది. మొదటి నుండి వెనుకుబాటుతో,నల్లమల్ల అడవులను అనుకోని ఉన్న యర్రగొండపాలెం నియోజకవర్గం పరిధిలో యర్రగొండపాలెం,దోర్నాల,పుల్లలచెరువు ,త్రిపురాంతకం,పెద్దారవీడు మండలాలు ఉన్నాయి. ఈ నియోజకవర్గంలో మొత్తం 188593 మంది ఓటర్లు ఉన్నారు. వీరిలో 95181 మంది పురుషులు కాగా ,93408 మంది మహిళా ఓటర్లు ఉన్నారు.

పంటలు

పొగాకు, వరి, చెరకు, వేరుశెనగ, ప్రధాన పంటలుగా సాగులో ఉన్నాయి.

ప్రసిద్ధ ప్రదేశాలు:

త్రిపురాంతకంలోనిత్రిపురనాగ బాల త్రిపురసుందరి దేవి (స్వయంభు)ఆలయం ,పార్వతి సమేత త్రిపురాంతకేశ్వరుడి ఆలయం ప్రసిద్ధ పుణ్య క్షేత్రాలు , ఈ ఆలయ ప్రాంగణంలో  శ్రీశైలంకు రహస్య భూగర్భ మార్గం ఉందని వినికిడి. మరియు దోర్నాల ప్రసిద్ధ పర్యాటక ప్రదేశం.

ఈ నియోజవర్గపు సమస్యలు:

• తాగు మరియు సాగు నీటి కోసం యాతన పడుతున్న నియోజకవర్గ ప్రజలు. వేసవిలో   గుక్క నీటికోసం అష్టకష్టాలు పడుతున్న ప్రజలు.
• సరైన ,రహదారులు లేక ,బిందె నీటి కోసం కిలోమీటర్ల మేర నడుస్తున్నగిరిజన  ప్రజలు.
• ఎండిపోతున్న పండ్ల తోటలు. ఆధ్వానంగా ఉన్న డ్రైనేజీ వ్యవస్థ.
• పూర్తికాని వెలుగొండ ప్రాజెక్ట్
• పూర్తి వెనుకుబాటు కారణంగా ఉపాధి అవకాశాల లేమితో పెరుగుతున్న వలసలు.