డాక్టర్ శ్రీనుబాబు

పాతపట్నం, ఆంధ్ర ప్రదేశ్ రాష్ట్రములోని శ్రీకాకుళం జిల్లాకు చెందిన ఒక మండలము. శ్రీకాకుళం జిల్లాలో ఇది ఒక మండలకేంద్రము మరియు ఒక శాసనసభా-నియోజక వర్గము. ఇది సమీప పట్టణమైన పర్లాకిమిడి (ఒరిస్సా) నుండి 5 కి. మీ. దూరంలో ఉంది. మహేంద్రతనయ నదికి దగ్గరగా ఉండి, చుట్టూ పచ్చని అడవులు, కొండలతో కూడుకొని యున్నది. ఇక్కడ ఒక హాస్పిటల్, పోస్టాపీసు, అర్.టి.సి.బస్ స్టాండ్, జూనియర్ సబ్ జడ్జి కోర్టు ఉన్నాయి. నౌపొడా - గుణుపూర్ రైల్వే లైనుకి కలుపబడి ఉంది. వ్యవసాయమే ముఖ్య వృత్తి. ఇక్కడి నీలమణి దుర్గా అమ్మవారు గుడి చాలా ప్రఖ్యాతమైనది. ఈ దేవతను భక్తులు శక్తిగల తల్లిగా భావించి కొలుస్తారు.

2011 భారత జనగణన గణాంకాల ప్రకారం ఈ మండలం 16074 ఇళ్లతో, 64639 జనాభాతో విస్తరించి ఉంది. గ్రామంలో మగవారి సంఖ్య 31896, ఆడవారి సంఖ్య 32743. షెడ్యూల్డ్ కులాల సంఖ్య 8133 కాగా షెడ్యూల్డ్ తెగల సంఖ్య 9376.

పర్యటక ప్రాంతాలు

గజపతి ప్యాలెస్, జగన్నాథ ఆలయం కాంప్లెక్స్, రామ్ సాగర్ మరియు సీత సాగర్ ఈ ప్రాంతంలోనే పెద్ద నీటి రిజర్వార్లు, బి.యెన్ ప్యాలెస్ మరియు మహేంద్రతనయ నది, యస్.కే. సి.జి కళాశాల, మహారాజా బాయ్స్(బాలుర) హై స్కూల్ మరియు మహారాజా గర్ల్స్(బాలికల) హై స్కూల్ , చిత్రకూర్ స్ట్రీట్, చిత్రవర్కర్ కుటుంబం మరియు 500 సంవత్సరాల చిత్రకళ మరియు సాంప్రదాయ కళలకు ప్రసిద్ధి, ప్యాలెస్ వీధి, హార్న్-క్రాఫ్ట్, గోపాల కృష్ణా పతగార్ (లైబ్రరీ), భాయ్ సాహి హిల్.

సమస్యలు

• గతంలో ఇది పార్లమెంట్ నియోజకవర్గం. నాటి రాష్ట్రపతి వి.వి.గిరి ఇక్కడ నుంచి లోక్ సభకు ఎన్నికయ్యారు
• ఆంధ్ర ఒడిషా సరిహద్దు మండలం
• ప్రభుత్వం నిర్లక్ష్యం వల్ల అభివృద్ధి చెందలేదు
• డివిజన్ ప్రధాన కేంద్రం పాలకొండ 60 కి.మీ. జిల్లా కేంద్రం శ్రీకాకుళం 90 కి.మీ. దూరంలో ఉన్నాయి
• పాతపట్టణాన్ని రెవెన్యూ డివిజన్ గా ప్రకటించాలి
• కర్మాగారాలు లేవు, వలసలు అధికం
• సాంకేతిక విద్యకు అవకాశం కల్పించాలి
• ఒడిషా ఉమ్మడి మద్రాసు రాష్టంలో ఉన్నప్పుడు అప్పటి పర్లాకిమిడి సంస్థానం తవ్వించిన 20 సాగరాలే ఇప్పటికీ వ్యవసాయానికి ఉపయోగపడుతున్నాయి. అవి నేటికి మరమ్మతులకు నోచుకోలేదు. సాగరాలను మరమ్మతు చేస్తే రైతాంగానికి నీరు అందుతుంది.
• మహేంద్రతనయ జలాలు సగం ఆంధ్రాకు అని చెప్పారు. తరువాత ఒడిషా ఆక్రమించుకుంది
• దంబాపూర్ వంతెన వల్ల  మహేంద్ర నీళ్లు ఆగిపోయాయి
• ఈ ప్రాంతం మీదుగా నది ప్రవహిస్తున్నా నీళ్లు ఇక్కడకు రావడం లేదు
• తెంబూరు అసల్ సాగరానికి నీరు కావాలి
• సహజ వనరుల మీదే ఆధారం
• వరదలు వస్తే ముంపు ప్రమాదం ఉంది
• విద్య పరంగా జిల్లాలో కీలక ప్రాంతం కావడంతో ప్రభుత్వ డిగ్రీ కళాశాల, పాలిటెక్నిక్ ఏర్పాటు చేయాలి
• పట్నంలో సురక్షిత తాగు నీరు, డ్రైనేజి వ్యవస్థలు మెరుగపరచాలి
• ఒడిషా , ఆంధ్రా అక్రమ రవాణాను అదుపు చేసేందుకు పటిష్ట చర్యలు తీసుకోవాలి.